वैशाख १४, काठमाण्डौ । सशस्त्र प्रहरी बलको महानिरीक्षक (आईजीपी)मा नारायणदत्त पौडेल नियुक्त भएका छन् ।
सोमबारको मन्त्रिपरिषद् बैठकले वैशाख १९ गतेदेखि लागू हुने गरी पौडेललाई आईजीपी नियुक्त गर्ने निर्णय गरेको हो । पौडेल सशस्त्रको १३ औँ आईजीपी बनेका हुन् ।
सशस्त्र प्रहरी महानिरीक्षक राजु अर्याल चार वर्षे कार्यकाल पूरा गरी वैशाख १८ गते अवकाश पाउँदैछन् । उनी २०७९ वैशाख १८ गते आईजीपी नियुक्त भएका थिए ।
