असोज ३१, कैलाली । जिल्लाको बर्दगोरिया गाउँपालिका ६ स्थित जगतपुर गाउँ समाजका भल्मन्सा जीवन चौधरीको अगुवाइमा आज गाउँघर सरसफाइ कार्यक्रम सम्पन्न भएको छ ।

गाउँको वातावरण स्वच्छ, सफा र सुन्दर बनाउने उद्देश्यले सञ्चालन गरिएको उक्त कार्यक्रममा गाउँघर वरपरको सडक छेउछाउ सरसफाइमा जोड दिइएको थियो । गाउँलाई सफा र व्यवस्थित राख्न स्थानीय समुदायको सक्रिय सहभागिता तथा सहकार्य आवश्यक रहेको सन्देशसमेत कार्यक्रमले दिएको छ ।

भल्मन्सा जीवन चौधरीको अगुवाइमा सम्पन्न यस कार्यक्रमले गाउँमा सरसफाइप्रतिको चेतना अभिवृद्धि गर्नुका साथै सामुदायिक एकता, आपसी सहयोग र सामाजिक जिम्मेवारीको भावना बलियो बनाउन सहयोग पुग्ने अपेक्षा गरिएको छ । भल्मन्सा चौधरीको अगुवाईमा बिगत बर्षदेखि सरसफाई कार्यक्रम निरन्तरता पाएको छ ।

स्वच्छ वातावरणले स्वस्थ जीवनयापनमा महत्त्वपूर्ण भूमिका खेल्ने भएकाले गाउँघरको सरसफाइलाई नियमित रूपमा निरन्तरता दिनुपर्ने आवश्यकता देखिन्छ । यस्तासामुदायिक कार्यक्रमले गाउँलाई सफा, स्वस्थ र व्यवस्थित बनाउन सकारात्मक योगदान पु¥याउने विश्वास गरिएको नवज्योती ग्रामिण बिद्युत सहकारी संस्थाका अध्यक्ष श्याम नारायण चौधरीको भनाई छ ।